Gaza aṭangin Israel kap : Israel sipaite'n an chhang let nghal

Gaza Strip aṭangin Palestinian-ten Thawhṭanni zan khan rocket eng emaw zatin Israel chhim lam an kap a, hei hi Israel sipaiten chhang letin, nimin zing khan ṭum eng emaw zat Gaza hi an kap a ni.

Palestinian official-te chuan Israel-in Gaza-a air strike a neihah hian Palestinian 22 an thi a, an zingah naupang pakua an tel niin an sawi. Mi 100 chuangin hliam an tuar tih an sawi bawk. Hetih lai hian Israel chuan Gaza an beihnaa thi zingah hian Palestinian firfiak pawl, Hamas mi 15 an tel niin a sawi thung.

Rocket hmanga Israel beihnaah hian Israel mi paruk an hliam bawk. Israel chuan missile defence hmangin Gaza Strip aṭanga rocket kah chhuah eng emaw zat hi a lo kap thla a ni.

US, European Union leh UK chuan Israel leh Palestinian-te chu inbeng dai a, a inbeihna titawp turin an ngen.