G7 ramte vaccine sem turin ngen

United Nations International Children's Emergency Fund (UNICEF) chuan Thawhṭanni khan G7 ramte chu COVAX vaccine sharing scheme hnuaiah vaccine indaihlohna phuhruk nana sem chhuak turin a ngen.

UN agency UNICEF hian coronavirus vaccine te hi COVAX kaltlangin an thawn chhuak ṭhin a, May thlaa vaccine indaih lohna chu dose maktaduai 140 vel nia chhutin, June-ah phei chuan dose maktaduai 190 vel a tling chho dawn niin an sawi a ni.

"Dose chuang bang awm loa insemdarh chu thil ṭul a ni, he hri kan dan chah theih dan kawng awmchhun a ni, tunah hian kan tih nghal loh chuan ramdang pawh hian an tuar ve thei," tiin UNICEF executive director Henrietta Fore chuan a sawi. G7 ram hruaitute hi thla leh hian Brazil-ah inhmuh an tum.

World Health Organization (WHO) hotute chuan kar hmasa khan vaccine semchhuah danah an lungawilo tih sawiin, ram hausa leh changkang zawkte chu naupang hnena sem rih lo a, ram hnufual leh rethei zawk te tana pe(donate) turin a ngen.

Airfinity scientific research tarlan danin G7 ramten an vaccine kawlsa 20% chu June, July leh August-ah an semchhuah chuan dose maktaduai 153 a tlingpha dawn a, an ram mipuite tana vaccine pekchhuah a tibuai pha dawn lo niin an sawi.

WHO leh GAVI vaccine chuan vaccine sharing-scheme COVAX hnuaiah hian kumtawp hmain AstraZeneca vaccine dose vaibelchhe hnih semchhuah hman an tum a ni.