England, Wales leh Scotland-ah khuahkhirhna thlahdul

United Kingdom (UK) prime minister Boris Johnson chuan England, Wales leh Scotland hmun tam zawkah hri leng vanga lockdown puan chu thlahdulin, coronavirus leng titawp turin mipui thuawihna a pawimawh dawn tih a sawi.

Khuahkhirhna thlahdul a nih tak avangin inchhunga inhmuhkhawmte, inkuah te, pub leh restaurant chhunga chawlh te phal a ni tawh. Ram danga zinchhuah pawh phal a ni tawh a, mahse mipuite chu fimkhur a kartin vawi hnih tal in test ṭhin turin Johnson chuan a chah.

"Kan ṭan hona vangin lockdown laka talchhuahna tur mellung pawimawh kan phun leh ta, mahse fimkhur taka kan awm angai a, kan zalennate hmang thiam tur leh he hri darh zel loh nana hma la turin ka sawm che u," tiin an vaccine lak hun a thlenah pawh la ṭheuh turin Johnson chuan a ngen.

England leh Scotland-a chengte chuan symptom an neih loh pawhin, a thlawnin minute 30 chhunga result hriat theihna-lateral flow test an ti thei ang. Wales leh Northern Ireland-a cheng, in aṭanga hnathawk thei lote tan pawh test theih a ni bawk ang.

Khuahkhirhna hi thladul ni mah se, Scoltland-a hmun pahnih - Glasgow leh Moray-ah chuan hri kai an tam avangin dan thar hi an zawm ve dawn rih lo a ni.