EU-in Covid-19 vaccine dose la kim tawhte zin phalsak

European Union(EU) ram 27-te chuan nikuma Covid-19 hri leng vanga khuahkhirhna khauh tak an kalpui chu thlahdul ṭanin, Covid-19 vaccine dose la kim tawhte tan an rama zin an phalsak.

Nilaini khan European Union hian bloc pawna mite tana zin khapna hlih chungchang hi ngaihtuahin, EU ambassador-te chuan vaccine la kim tawhte an zin phalsak hi an remti a ni. Hei bakah khualzin tu pawh an zin theihna tur, hri laka ram him puanna, criteria siam pawh thlahdul an rel bawk.

He criteria hman mekah hian ram him, safe country-a puan chu pasarih chauh an la awm a ni.