Mali sipaiten President leh Prime Minister hreng

Mali sipaite chuan an ram President leh Prime Minister-te chu Thawhṭanni zan aṭang khan an hreng.

President Bah Ndaw, prime minister Moctar Ouane leh defence minister Souleymane Doucoure-te chu Kali-a sipai hmunpuiah hruaiin an hreng zui nghal a ni.

Thawhṭanni khan prime miniter Ouane chuan a cabinet siksawiin, military member pahnih­te chu minister aṭangin a ban a, hei vang hian sipaite hian chet an la zui nia ngaih a ni.

West African regional bloc, ECOWAS chuan nimin khan thuchhuah siam nghalin, Mali sipaite chu President leh Prime Minister hi chhuah nghal turin an ngen. Sipaite chet dan chu an dem thu sawiin, tihluihna hmanga in ban tir chu khawvelin a pawm dawn lo a ni, an ti.