UN-in Palestinian-te chhawmdawlna atan USD mtd 95 dil

United Nations chuan Gaza Strip, West Bank leh East Jerusa­lem-a cheng Palestinian-te chhawmdawlna turin thla thum chhung atan USD maktaduai 95 mamawh a nih thu sawiin, ram hrang hrangte puihna a dil.

UN Humanitarian Coordinator for the Palestinian territory, Lynn Hastings chuan UN chuan mipuite mamawh hmasa tur a ngaihtuahsak rualin, ni 11 chhung Gaza Strip-a Israel leh Hamas-te inbeihnaa thil tihchhiate enfiahin, heng thil tih­chhiatte din tharna tura mamawh turte pawh a la chhut leh dawn a ni, a ti.

Palestinian official-te chuan Gaza-a thil tihchhiat din thar lehna tur hian dollar maktaduai tel a ngai dawn tih an sawi. Inbeihnaah hian education facility 58 a chhia a, building 285 bakah commercial unit 1,000 chuang a chhe tel bawk.

Hastings chuan inbeihna thleng vang hian Gaza-a cheng mi nuai riat vel chu tui thianghlim lak tur mumal nei loin an awm mek tih a sawi. Electricity supply an hmuh pawh nikhata darkar ruk ni ṭhin chu darkar li-ah tihtlem a ni bawk a ni.