Sudan PM thah tumna UN chief-in a dem

UN secretary-general Antonio Guterres chuan Thawhṭannia Khartoum Sudan prime minister Abdalla Hamdok thah tumna thleng chu na taka a dem thu a sawi.

UN chief thupuangtu Stephane Dujarric chuan Thawhṭanni vek khan thuchhuah siamin Antonio Guterres chuan Sudan PM beihna chu a pawmzam theih loh thu leh mawhphurtute chu  an phu tawk hremna an hmuh ngei a duh thu a sawi tih a tarlang. UN chuan Sudan chu an thlawp reng tih a tarlang tel bawk.

Abdalla Hamdok hi Thawhṭanni khan an ram khawpui Khartoum-a army bridge an zawh dawnah a chuanna motor leh zuitute chuanna motor chu bomb hmanga beih a ni a, mahse vanneihthlak takin a him a ni. 

Sudan-a sorkarna siamtu zinga mi Sudanese Freedom and Change Alliance chuan thuchhuah siam ve nghal bawkin Abdalla Hamdok beihna chu an dem tih an tarlang. Sudanese Federal Umma Party pawhin PM beihna chu an dem thu an sawi ve nghal bawk a, pawi an ti hle tih leh thil rapthlak tak a nih thu an sawi a ni.

Politcal party ṭhiah tak National Congress Party (NCP) pawhin thu­chhuah siamin an demna thu an au chhuahpui be bawk. Sudan Council of Minister-te chuan PM beihna chu firfiaka chetnaah an puang ve bawk a ni. Anni bakah hian ram chhunga pawl hrang hrangin PM beihna an dem thu hi an auchhuahpui.