Brazil President hmalak dan duh loin Ram pum huap nawrh huaihawt

Brazil mipui tam tak chuan an ram president Jair Bolsonaro-a'n Covid-19 hri leng a do dan chu duh khawp loin, Inrinni liam ta khan President laka lungawi lohna an lantir.

Khawpui 16-ah President Bolsonaro duh lohna hi lantirin, President chu bang tura an phutna thuziakte pawh an keng a ni.

Brazil ramah hian Covid-19 hri vangin mi 4,60,000 chuang an thi tawh a, US dawta hripui vanga thi tamna ber a ni. Hetih lai hian hri leng chungchang hi President hian a ngai pawimawh tawk lo a, mask vuahte a thlawp ṭhat loh bakah vaccine pawh a dah pawimawh lo nia sawi a ni.

Hri len hnuah an ram mipuite laka Bolsonaro larna hi a tlahniam sawt hle.

Inrinnia nawrh huaihawt hi khawpui tam zawkah boruak ṭha tak hnuaiah neih ni mah se, hmarchhak lama Recife khuaah erawh chuan pungkhawmte leh police-te innawr buaiin, police-ten mipui hnawhdarh nan tear gas leh rubber bullet-te an hmang a ni.