UK PM-in nupui a nei

United Kingdom (UK) prime minister Boris Johnson chuan kar liamta Inrinni khan nupui a nei a, kum 200 dawn chhunga UK PM nih laia nupui nei hmasa ber a ni.

Boris Johnson, 56 leh a nupui hual, environmental campaigner Carrie Symonds, 33-te hi puangzar loin Westminster Cathedral-ah an innei a, inneihnaah hian danin a phal chin mi 30 chauh an tel a ni. Johnson leh Symonds-te kum 2019-a prime minister atana Johnson lakluh a nih aṭang khan Downing Street-ah an cheng dun tawh a, nikum April thla khan fapa, Wilfred an lo nei tawh a ni. Johnson hi a nupui neih ṭum thumna niin, Symonds erawh pasal a neih vawi khatna a ni thung. Johnson hian a nupui hmasa pahnihte lakah fa panga a lo nei tawh a ni.