Ruahsur nasa avangin New Zealand-ah emergency puang

New Zealand sorkar chuan an rama ruahsur nasa avangin Pathian­ni khan Canterbury province-ah emergency a puang.

Acting emergency management minister Kris Faafoi chuan Can­terbury province hi tlawh nghalin, ruah hi ala sur chhunzawm dawn avangin chhiatna nasa zawk a thlen a hlauhthawnawm thu a sawi. Ruahsur nasa vang hain chenna in 3,000 vel chu an dinhmun a him tawh lo a, sipaiten mi eng emaw zat hmun him lamah an sawnchhuak tawh tih a sawi.

Canterbury-a luite chu an lian tawh hle a, media-te chuan kum 100 chhunga a len ber ṭum a thleng niin an sawi. Sorkar chuan he biala chengte ṭanpuina turin Mayoral Relief Fund-ah NZ dollar 1,00,000 pek a ni tih a puang tawh bawk.