ASEAN hruaituten Myanmar tlawh tum

Association of Southeast Asian Nations (ASEAN) chairman leh secretary-general-te chuan tunkar chhung ngei hian tualchhung buaina thlen mekna, Myanmar ram tlawh an tum.

ASEAN member-te hian an member-te ramchhung inrel­bawlnaa inrawlh lohna tur policy an nei a ni. Hei vang hian an member, Myanmar rama sipai­ten civil sorkar an paihthlak chung­changah pawh a inrawlh mai lo a, mahse tualchhung buaina thleng mek chinfel dan kawng erawh a ngaihtuah a ni.

ASEAN chairman ni lai, Brunei second minister for foreign affairs Erywan Yusof leh secretary-general Lim Jock Hoi-te chuan Myanmar hi tlawhin, sipai hotute kawm an tum a ni. Hetih lai sipai rorelna dodaltute erawh an hmu thei dawn em tih sawichian a la ni lo.

Hetih lai hian ASEAN Parlia­mentarians for Human Rights (APHR) hruaitute hian Aung San Suu Kyi leh U Win Myint-te an hmuh tel ve a ṭul niin an sawi a, APHR chairman Charles Santiago chuan, sipai hotute ringawt an hmuh chuan a dik tawk dawn lo a ni, a ti.