China-ah mihringa bird flu kai hmasa ber hmu

China ramah mihring zinga bird flu, H10N3 kai hmasa ber hmuh a ni a, he hri a kai dan erawh puanzar a ni lo.

Bird flu kai hi Jiangsu province-a cheng, kum 41 mi a ni a, kar liamta khan bird flu hi a kai tih hriat a ni a, tunah erawh chuan enkawl dam ni tawhin, damdawi-in aṭang pawhin chhuahtir a ni tawh dawn a ni. Contact tracing neihnaah he hri kai dan hi hmuh chhuah an awm lo.

National Health Commission (NHC) chuan khawvelah mihringah bird flu, H10N3 strain kai hi a hmain report a la awm ngai lo tih an sawi. He hri kai hmuh hi April 28 khan Zhenjiang khuaa hospital-ah dah luh niin, thla khat hnuah H10N3 a kai tih hriat a ni tih a sawi. He hri mihring leh mihringah inkaidarh a harsa a, hei vang hian hri hi a darh hlauhthawnna pawh a awm vak lo niin a sawi.