Japan-in COVAX body tan USD mtd 800 pe dawn

Japan prime minister Yoshihide Suga chuan World Health Organisation hnuaia ram rethei leh harsa zawka Covid-19 vaccine petu, COVAX programme tan USD maktaduai 800 pek an tum tih a sawi.

Japan hian a hma pawhin COVAX tan USD maktaduai 200 pek tiam tawhin, an ramin vaccine dose an pek tur pawh an la puanchhuah leh thuai rin a ni bawk.

Nimin khan Suga hian online COVAX summit thlengin, USvice president Kamala Harris, philanthropist Bill Gates leh Group of Seven nations palai-te an tel.

Japan legislator-te chuan Taiwan ramah hrikai an pun zel avang leh an rama cheng mi maktaduai 23.5 zinga 2% bakin vaccine an la lak loh avangin, AstraZeneca vaccine Taiwan hnena thawn turin an lo ngen tawh bawk. Japan hian AstraZeneca dose an kawlsa te hmang turin ruahmanna la siam lo mah se an ram mipui cheng zawng zawngte daih khawp tur vaccine dang pawh an kawl tawh thu an sawi.