Tun thlaah UNSC inthlan nei dawn

United Nations Security Council-a non-permanent member panga tur thlanna chu thla thar hian neih a ni dawn.  

UN General Assembly chuan thla thara inthlan neih hi a rel a, mahse Covid-19 leng vangin inthlan kalpui dan turah ruahmanna thar a siam thung. 

Ruahmanna a siamah chuan Security Council non-permament member tur leh, Economic and Social Council member turte hi plenary meeting nei loin thlan an ni ang. General Assembly president Tijjani Muhammadd-Bande chuan member ram 193-te hnenah secret ballot first round neih hma ni 10-ah inthlan neih hun tur hi lehkhain a hriattir hmasa ang a, ballot thlakna tur hmun leh ṭul dangte a hriat tir ang. Inthlan ni hian vote thlak turte chu an vote thlakna tur hmun leh an thlak hun turah kal tura hriattir an ni ang. Ballot box-a vote thlak chuah chu pawm a ni dawn a, an hun pek hnua vote thlakte chu pawm a ni lo ang.  Vote thlak zawh leh, ballot paper-te chhiar fel a nih hnuah president hian member ramte  hnenah inthlan result hi lehkhain a hriattir leh vek dawn a ni.