Jerusalem-a Al-Aqsa mosque hawng leh

Hripui leng vanga thla hnih leh chanve chhung khar a nih hnuah, Jerusalem-a Muslim hmun pawimawh Al-Aqsa mosque chu hawn a ni leh ta. 

Muslim-te hmun thiang­hlim, Al-Aqsa mosque hi tlawh theih tura hawn ni mah se khuah­khirhna erawh kal­pui chhunzawm a la ni. 

Mosque tlawhtute hi face mask hmang vek tura tih an nih bakah, an ṭawngṭaina atana an hman tur puanphah tur keng tura tih a ni bawk. Mahni puala puan phah tur keng lote chu mosque chhungah an ṭawngṭai phalsak an ni lo. 

Kal thei chin bithliah siam a ni lo a, ram hectare 14-a zauah hian Pathianni khan mi 700 vel chu ṭawng­ṭai turin an kal a ni.