Belgium lal fapa-in Covid-19 a kai Spain police-ten an chhui dawn

Belgium lal fapa, kum 28 mi prince Joachim chu Spain chhim lam, Cordoba-a party-naa  a kal hnuah Covid-19 a kai tih hmuh chhuah a ni a, dan kalha party buatsaih a nih dan hi Spain police-ten an chhui chiang dawn. 

Prince Joachim hi internship ti turin May 26 khan Belgium aṭangin Spain hi a pan a ni. Spain a thlen hnu hian Cordoba-a party buatsaihah a tel a, hetah hian mi 27 an tel nia sawi a ni. Spain-ah hian hri leng vanga khuahkhirhna siam hnuaiah, mi 15 aia tam a ruala awmkhawm khap a ni a, hei vang dan bawhchhiaa party buatsaih a nih dan hi chhui zui a ni dawn a ni. 

Spain police-te chuan party-a telte hi khung hran vek an ni tih sawiin, lockdown rules bawhchhia chu dollar 11,100 chawi tir theih an ni thu an sawi.