Dan zawm loh vangin Romania PM-in dollar 600 a chawi

Romania prime minister Ludovic Orban chu social distancing dan a zawm loh avangin dollar 600 chawi tir a ni. 

Romanian media-in thlalak a tihchhuahah, Prime Minister Orban hian sorkar building pakhat chhunga meeting a buatsaihnaah mei a zu lai leh, meeting-a telte nena inhnaih tak taka an awmho lai a lang a ni. He thlalaka langte hian social distancing dan an zawm loh bakah, hmaituamna vuah pawh an awm lo a ni. 

Hei vang hian Prime Minister leh mi dangte hi dan an bawhchhiat avangin sum chawi tir an ni a, an zingah hian foreign minister leh economy minister pawh an tel.