Spain-in June 21 thleng lockdown pawtsei dawn

Spain prime minister Pedro Sanchez chuan Covid-19 leng vanga an rama inkharkhipna kalpui mek chu thla hnih dang, June 21 thleng pawhsei a duh a, Parliament-ah pawmpui tura a ngen tur thu a sawi. 

Spain-ah hian hun rei tak lockdown kalpui a nih hnuin, hri lengin ziaawm lam a pan ṭan avangin khuahkhirhna te thlahdul chhoh mek a ni. Mipuite pawn chhuah pawh phal­sak an ni tawh a ni.  

Spain ramah hian hri kai hi mi 2,39,228 awmin he hri vanga thi hi mi 27,125 an awm a ni. 

Europe ram zinga hri leng tuar nasa ber zinga mi a ni a, hri leng vang hian March 14 aṭang khan ram pumah inkharkhipna khauh taka kalpui a ni a, mahse khuahkhirhna hi an thlahdul chho mek a ni.