Israel-ah khuahkhirhna siam thar leh maithei

Israel prime minister Benjamin Netanyahu chuan an ramah hri a leng chhunzawm zel a nih chuan khuahkhirhna khauh zawk siam thar leh a nih tur thu a sawi. 

Israel sorkar chuan khuah­khirhna a siam tam zawk chu a thlahdul tawh a, mahse hemi hnu hian hri leng kai thar hi an pung chho leh a ni. Pathiannia cabinet meeting, Jerusalem-a neihah Netanyahu chuan hri leng hi an pun chhoh thu sawiin, an hmalakna chu ennawn a ngai tih a sawi a, a ṭul a nih chuan hri leng zel tur venna atan an policy an thlak pawh a ṭul dawn niin a sawi a ni. 

Netanyahu hian an ram mipuite hnena thuchah a sawiah, mask vuah ṭha tur leh social distancing dan chu zawm ṭha turin a lo chah tawh a ni.