Egypt sipaite'n hel 19 that

Egypt sipaite chuan Inrinni khan thuchhuah siamin kar hmasa chhung khan Sinai Peninsula-a beihpui an thlaknaah hel 19 an that tih an sawi a, an sipai panga thi leh hliam an awm tih an sawi bawk. 

Online video kaltlanga thu­chhuah an siamah Egypt sipaite chuan Bir al-Abed, Rafah leh Sheikh Zuweid khuaa beihpui an thlaknaahte heng helte hi an that tih an sawi a ni.

Beihpui an thlakna hmunah hian automatic rifle, hand gre­nade leh rocket-propelled gre­nade-te pawh an man a ni. Thi leh hliamte hi officer pahnih, noncommissioned officer pakhat leh sipai pahnih an nih thu thu­chhuah an siamah hian an tarlang.

Kum 2013-a sipaite'n pre­sident Mohamed Morsi an paih­thlak a General-turned-president Abdel Fattah el-Sisi-a'n thuneihna a chan hnu khan Egypt-ah hian buaina a chhuak nasa hle a, kum 2018 aṭang khan Sinai lamah hian sipaite hian beihpui an thlak nasa zual a ni. 

Sinai-ah hian hel 970 vel an that tawh niin official report sorkarin a tihchhuahah chuan tarlan a ni a, sipai pawh 10 chuang an thi tawh bawk.