NKorea hotu Kim Jong-un-a'n party official meeting a ko

North Korea ram hotu lu ber, Kim Jong-un chuan Thawhṭanni khan an party, Workers' Party senior official meeting a ko.

Meeting hian Party thuam chak leh, an ram economy tihhmasawn dan turte an sawiho a ni.

Nuclear programme a kalpui avangin ram hrang hrangte chuan NKorea hi an hrek a, hei bakah hian hri leng avangin ramrite khar vek a ni bawk a, hei hian an ram economy pawh a nghawng hle.

NKorea-ah hian official-in Covid-19 hri kai an awm thu puan a la ni lo. Mahse South Korea official-te chuan nikuma ramri a khar hma khan Covid-19 hmuh chhuah ṭanna, China nen sumdawnna kawnga indawr rengin mipui pawh an inkalpawh reng a, hei vang hian hri kai an awm lo nia sawi hi rinngam chiah a har thu an sawi thung.