Mandalay-a sipai thlawhtheihna chesualah mi 12 thi

Myanmar khawpui lian ber dawttu,Mandalay-ah Ningani khan sipai thlawhtheihna chesualah mi 12 an thi.

He thlawhtheihna hi Naypyidaw khawpui aṭanga thlawk chhuakin Pyin Oo Lwin khua a pan a, Mandalay airport aṭanga metre 300-a hla steel plant bulah a chesual tih Myawaddy television station chuan a puang. Thlawhtheihnaah hian sipai paruk leh puithiam pakhat Buddhist monastery inkhawm chhim tura kal an chuang tih media report ṭhenkhat chuan a tarlang.

Thlawhtheihnaa chuang zingah pilot leh passenger pakhat an him a, military hospital hnai berah hruai nghal an ni. An chetsual chhan hi chiang taka hriat a la ni lo. Myanmar hian air safety lamah record a nei chhe hle a ni.