France President bengtu thla li chhung jail-ah tang dawn

France court chuan president Emmanuel Macron hmaia bengtu chu thla 18 chhung jail tang tura a chungthu an rel hnuah thla 14 suspend sak lehin, thla li chhung a tang dawn ta a ni.Euro 45,000 chawi tura hrem a ni bawk.

President bengtu hi kum 28 mi, Damien Tarel, medieval history enthusiast a ni a, Thawhlehnia kut a thlak hnu khan man nghal a ni.Tarel hian President Macron-an Drome bial a tlawh ṭuma mipui chibai tura a kal chu a hmaiah a lo bensak a ni. Prosecutor chuan Tarel chet dan hi pawmthiam har tak leh tum reng vanga tharum thawhna a ni, a ti.

Tarel chuan tum reng vanga beng a ni lo tih a sawi thung a, artui emaw cream tart emaw hmanga President beih tum zawk a nih thu sawi.

President Macron chuan he thil thleng chungchang an zawhnaah, thil atthlak tak, social media-a boruak ṭha lo rahchhuah a nih a rin thu a sawi a ni. Mi tam tak chuan he thil thleng hi poliltics boruak kal dik lo leh, regional election neih tura public debate kalphung tlahniam zelin a nghawng tel nia ngai an awm bawk.

Senior leftist MP Clemtine Autain chuan an rama politics boruak chuan chhiat lam a pan zel a, thil thleng hi a hlauhawm hle a ni, tiin a sawi.