Ethiopia mipuite an ṭam mek : UN aid chief
UN humanitarian chief Mark Lowcock chuan Ethiopia ram hmarlam, tualchhung indona thlenna, Tigray bial mipuite an ṭam mek tih a sawi.
Marck Lowcock chuan UN kaihhruaia zirchianna neihah, he biala mipui nuai 3.5 te chu rethei takin, dinhmun hrehawm takin an awm a ni, a ti.
Kum 2020 November thla aṭang khan Tigray bialah hian sorkar sipai leh helte an inbei a, inbeihna thleng vang hian mi maktaduai 1.7 chuan chenna nei loin an awm tawh a ni.
He bial chhung ei leh in harsatna chu a nasa tawh a, ei tur tlakchhama rilṭama thi pawh eng emaw zawt an awm tawh. Tualchhung mite chuan sipai leh helte hi an inbeih chhunzawm reng avangin ei leh bar zawng turin an chhuak thei lo a, an thlai neih ang ang an ring a, tunah chuan ei tur an nei tawh lo a, khawi aṭang mahin ṭanpuina a lut si lo a, rilṭama thih chu an hmabak a ni tawh tih an sawi.
UN hnuaia World Food Programme, Food and Agriculture Organization leh Unicef chuan rilṭama awm mek mipuite ṭanpui hna hi rang taka thawh a ngai tawh tih an sawi a ni.