Israel-in inchhunga mask vuahna thupek hlip

Israel health ministry chuan nimin khan Covid-19 hri leng vanga khuahkhirhna a siam ṭhenkhat thlahdulin, mipuite chu in chhunga mask vuah loa an awm a remti tawh.

Health ministry-in hriattrina a tihchhuahah, an ramah hri lengin ziaawm lam a pan chhoh avangin in chhungah pawh mask vuah zel tura thupek siam tawh chu hlih a ni tih a sawi. Hetih lai hian vaccine la lo leh, tar enkawlna hmun bakah quarnatine lai leh thlawhtheihnaa zin turte tan erawh vuah a la ngai tih a sawi. School-a mask vuah tura thupek siam erawh tihdanglam a la ni lo.

Hri leng hian ziaawm lam a pan chhoh zel a, kum 12-15 inkarte hnena vaccine pek chhunzawm zel theih a nih chuan, school-a mask vuah tihtawp chungchang pawh ngaihtuah ṭhat a nih tur thu ministry chuan a sawi.

Israel hian thla ruk liam ta aṭang khan Covid-19 vaccine chu puitlingte tan a pe ṭan a, Pathianni aṭang khan kum 12-15 inkar a pe ṭan bawk.