World Bank leh AU thawk dun dawn

World Bank (WB) leh African Union (AU) hnuaia COVID-19 Africa Vaccine Acquisition Task Team (AVATT) chu Africa mi maktaduai 400-te tana Covid-19 vaccine thawn turin thawhdun an tum.

World Bank president David Malpass leh AVATT aiawhte hian meeting neiin, Africa rama vaccine thawn theih dan turte an sawiho a, hemi hnu hian thawhdun hi an rel niin UN Economic Commission for Africa (UNECA) chuan a tarlang.

AVATT hian a hmain African Export-Import Bank (Afreximbank) puihnain Johnson & Johnson single-shot COVID-19 vaccine dose maktaduai 400 lei turin inremna an lo siam tawh bawk.

WB leh AVATT chuan ram hrang hrangten vaccine a rang thei anga an neih a pawimawh thu an sawi a, AU member ramte chuan an ram mipui tam dan azirin vaccine hi an dawng ang.

Africa ram hrang hrangah Covid-19 vaccine mi maktaduai 54.9 vel pek an ni tawh a, hei hi Africa khawmualpuia cheng zinga 2.1% chauh a la ni pha a ni.