Vawiinah Iran President thar thlang dawn

Iran mipuite chuan vawiin hian an ram President thar tur thlangin vote an thlak dawn.

President thar thlan turah hian candidate pali an awma, judiciary chief Ebrahim Raisi chu tling tura rin kai ber a ni. Candidate dangte chu Iran Central Bank hotu hlui Abdolnasser Hemmati, Revolutionary Guard commander Mohanes Rezaiei leh MP nilai Amir Hossein Ghazizadeh te an ni.

Kum 2015-a world power ramte nen nuclear deal an siam theihna atana pawimawh tak, President ṭanglai Hassan Rouhani chuan inthlan hi a chuh ve dawn lo a ni. Constitutional watchdog, Guardian Council chu candidate pawmtu a ni a, kuminah hian candidate nih tum mi langsar eng emaw zat a hnawl. Hnawl zingah hian Parliament speaker hlui Ali Larijani, President hlui Mahmoud Ahmadinejad-te pawh an tel.