Hong Kong police-te'n Apple Daily office an dap

Hong Kong police 500 rualte chuan nimin khan democracy thlawptu, media tycoon Jimmy Lai-a chanchinbu, Apple Daily newspaper office chu national security law bawhchhiaah puhin an dap.

Police-te hian Apple Daily editor-in-chief leh executive palite chu an chenna in aṭangin an man a, he chanchinbu nena inzawmna nei company dang pathum thil neihte chu khawih chet theih lohin an hrek sak zui bawk.

Apple Daily hian China ram hruaitute sawiselna leh demna thu a chhuah fo a, a neitu Jimmy Lai pawh hi manin jail-ah a tang mek a ni.

Police-te chuan kum 2019 aṭang khan Apple Daily hian Hong Kong leh mainland China sorkar sawisel a, ram dangte hnenah hrek tura ngenna artilce 30 chuang a tichhuak tawh niin a sawi.

An ram huna nimin zing dar 7 vel khan police-te hian Apple Daily office hi dapin, office panna kawngte pawh an dang nghal vek a ni. Mahse chanchinbu hian an Facebook account aṭangin office an dap lai hi live footage-in an pechhuak a ni.