America mipui kum 30 leh chunglam 70% te'n Covid vaccine an la tawh

United States-a cheng kum 30 leh chunglam zinga 70% chuan Covid-19 vaccine dose khatna an la vek tawh tih White house chuan a sawi.

Vaccine la tawh zat hi sang hle mah se, President Joe Biden-a'n US Independence Day, July 4-ah an rama puitling chin vaccine pek hman vek a tumna erawh chu a hlawhtling hman dawn lo niin a lang.

President Biden kaihhruaina hnuaiah Thawhlehni khan data thar tihchhuakin, July 4 ral hmain American kum 27 chunglam 70% te hnenah vaccine dose khatna pek hman an tum tih a sawi.

White House official-te chuan American kum 18-26 inkar, vaccine la ṭha duh lo tura ngaihte chu a tam thei anga vaccine pek an nihna turin hma an lak mek thu an puang.

Awlsam taka vaccine lak theih anih hnuah vaccine sem chhuah hian tlakhniam lam a pan zel thung a, chawh rualin ni khatah vaccine la hi 3,00,000 an tling ngai lo.

Centers for Disease Control and Prevention data tarlan dan chuan America mipui zinga Covid-19 tuar na zual tur, high risk group ten vaccine an la ṭha hle a, mahse kum 25-39 inkarah vaccine la hi 53% chiah an la ni a, kum 18-24-ah 47% chauh a la ni bawk.

White House press secretary Jen Psaki chuan kum 25 leh a chunglam leh kum 18 - 25 inkara vaccine pekchhuah inthlauhna tam lutuk chu a ngaimawh thu leh hna tam tak thawh tur a la awm thu a sawi.