Covid-19 : American 60%-in Wuhan Lab aṭanga chhuakah an ngai

Fox News-in Covid-19 chungchanga America mipuite ngaihdan a lakah 60% chuan he hri hmuhchhuah ṭanna, China-a Wuhan khawpuia laboratory aṭanga he hri hi a chhuak niin an ngai.

Survey neihah hian 31% chauhin coronavirus hi siamchawp ni lo, amaha rawn thleng niin an ngai. 50% chuan Covid-19 hian America mite nunphung chu a tidanglam hlen dawn nia an ngaih laiin, 42% chuan an nunphung danglamna hi chu reh leh mai tur niin an ngai thung.

Fox News hian survey hi June 19-22 inkar khan a buatsaih a ni.

Covid-19 hri lo chhuahna chungchanga China-in laboratory aṭanga a siam chhuah nia sawi leh ngai tam tak an awm a, mahse World Health Organisation (WHO) team chuan laboratory aṭanga siam nia sawi hi a lo hnawl tawh thung.