Hong Kong Apple Daily editorial writer man

Hong Kong-a democracy thlawptu chanchinbu tihtawp tak, Apple Daily-a editorial writer, Fung Wai-kong chu Pathianni zan khan khawpui a chhuahsan tur chu airprot-ah man a ni.

Fung hi Britain pan a tum nia sawi a ni a, mahse ramdang nena thawkdunin Hong Kong himna tiderthawng thei nia puhin national security law hnuaiah man a ni.

Kum 57 mi, Fung hi kar hnih chhunga thuneituten Apply Daily executive an man pasarihna a ni. Nikum June thlaa Hong Kong-a national security law hman a nih aṭang khan democracy thlawptu langsar tak tak chu man an lo ni tawh a ni. Apple Daily neitu Jimmy Lai pawh he dan hnuaiah vek hian ramdangte thawhpuia puhin man a ni a, jail-ah a tang mek. Thiam loh chantir a nih chuan dam chhung tang tura hrem theih a ni ang.

Langsar leh huaisen taka China leh Hong Kong sorkar leh policy-te sawiseltu, Apple Daily hi thuneitu lamin an bitum a, an office-te dapin computer leh server-te an man sak a, an thil neihte khawih chet theih loha a hreksak avangin kalpui chhunzawm theih a ni lo a, tihtawp a ni tawh a ni.

Hong Kong Journalist's Asso­ciation chuan nimin khan thu­chhuah siamin, Apple Daily beih a nih dan chu freedom of press bawhchiatna dik tak a ni, tiin an dem thu an sawi.

Police-te chu journalist-te an bitum fo chungchang sawifiah turin an phut.