Pakistan-in Afghanistan ramri kharah a vau
Pakistan foreign minister Shah Mahmood Qureshi chuan Afghanistan aṭanga US sipaite hnuhdawh fel an nih hnuah tharum thawhna thleng leh dan pawisak lohna a pun chhoh zel theih thu sawiin, Taliban-ten thuneihna an chang a nih chuan ramri pawh an khar nghal vek dawn tih a sawi.
Shaha Mahmood Qureshi chuan an ramahAfghan raltlan maktaduai 3.5 vel an la lut tawh a, lak luh belh an tum tawh lo tih an sawi bawk.
"Kan lakluh belh thei tawh lo, kan ramri kan khar a ngai dawn a, kan ram himna tur kan ngaihtuah a ngai a ni," tiin, hemi rual hian diplomatic level-ah inkungkaihna ṭha tak a neihpui zel dawn a, mipuiten an aiawh tura an thlan hruaitute chu ṭha taka an thawhpui zel tur thu a sawi.
Taliban rorelna hnuaiah Afghanistan hi an awm ṭhin a, September 11,200-a America an beih hnuah US kaihhruai ṭangrual ramte chuan Taliban-te hi bei letin, an thuneihna pawh an paihthlaksak zui a ni.
Tunhnaiah Taliban-te hian Afghanistan chhim leh hmar lama district hrang hrangah chet an la chho nasa a, sorkar sipaite chu an kuta inpe tura nawrin an motor leh ralthuamte pawh an mansak a ni.