UN hotuin Iran hrekna titawp turin US a ngen
United Nations (UN) secretary-general Antonio Guterres chuan US president Joe Biden kaihhruai sorkar hnenah kum 2015-a nuclear deal siama an lo remtih tlan tawh angin, US-in Iran a hreknate chu titawp vek tawh turin a ngen.
UN Security Council hnena report a thehluhah, Guterres chuan Iran nena oil lama insumdawn tawnna chungchangah pawh hreknate titawpvek tura ngenin, nuclear non-proliferation project-a hrekna a tihtawp tawh pawh titawp chhunzawm zel turin a ngen a ni.
UNSC member 15-te chuan secretary-general report hi an sawiho tawh bawk.
Kum 2015 khan khawvel ram thiltithei paruk - US, France, Britain, Germany, Russia leh China-te chuan Iran hi nuclear deal an lo ziahpui a ni. Mahse kum 2018 khan US President hlui, Donald Trump hnuaiah he inremna siam aṭang hian US chu a inhnukdawk a, Iran ram hrekna an lo siam tawh chu an hmang zui leh nghal bawk.