New Zealand-in khuahkhirhna hlip tawh dawn

New Zealand prime minister Jacinda Ardern chuan hri leng vanga an ram khuahkhirhna  siamte chu kar leh chuan hlih tum a ni  tih a sawi. 

PM chuan an ramah a zawnin ni 11 chhung hri kai thar an awm tawh lo tih nimin khan a sawi a, hri darh tur venna kawnga hma an la hma chuan rah ṭha tak a chhuah a ni, a ti. Tunah hri kai enkawl mek hi pakhat chauh a awm tawh a ni. 

New Zealand chu kar leh aṭangin alert level 1-ah a awm thei tawh tih sawiin, hei vang hian social distancing dan hman mek leh mipui punkhawm khapnate pawh hlih a ni thei tawh ang, tiin PM chuan a sawi. 

Hri leng vangin New Zealand-ah hian kar sarih chhung chu lockdown khauh taka kalpui a ni a, sumdawnna hmunte khar vek niin, essential worker-te bak chhuah phal an ni lo.