Uganda-in president kum bihtliah siamna titawp

Uganda President Yoweri Museveni chuan an ram danpuia president ni thei chin kum bithliah, kum 75 chin tia siam tihtawpna tur bill a pawm.

President ni thei chin kum bithliahna dan tihtawp a nih tak avang hian kum 73 mi, Yoweri Museveni hian 2021-a president thlanna neih turah pawh a chuh ve leh thei dawn a ni.

Uganda Parliament chuan nikum December 20 khan kum bithliah siamna tihtawpna tur bill hi a pass a, bill thlawp lamah member 317 in an vote laiin a duh lo lamah vote 97 a tla thung. Uganda Constitution hi kum 1995-a siam a ni a, ram danpui hian president ni tur hian kum 35 aia naupang leh kum 75 aia upa a khap a ni.

President ni thei tur kum bithliah tihtawp hi civil rights activist, eptu pawl leh sakhaw hruaitu hrang hrangte chuan an duh lo hle thung. Nikum September thlaa hemi chungchang an ngaihtuah lai pawhin Parliament-ah member-te an intibuai nasa hle a, kutte inthlakin ṭhuthlengte pawh an tichhe hial a ni.