US-in Iran company panga hrem

US chuan Iran company panga-te chu Iran-in ballistic missile programe a kalpuinaah an puih avangin a hrem.

Heng company panga-te hi US-a an thil neihte chu khawih chet theih lohin hreksak an ni a, America mite chu heng company-te hi thawhpui lo tura hriattir an ni bawk.

US Treasury Secretary Steven Mnuchin chuan an hmalakna chu tunhnaia Iran economic buaina avanga mipuiten nawrh an huaihawt nena inkaihhnawih a ni tih a sawi a, Iran sorkar chuan a ram mipuite dinhmun siamṭhat aiin ballistic missile programme chu a dah pawimawh zawk a ni, a ti. Iran sorkar chu a ram mipuite tawrh dan tur pawh ngaihtuah lo a, missile system siamna tura sum tam tak pawtpengah a puh. UN Security Council resolution chuan Iran hi ballist missile siam leh enchhin a khapsak a, mahse heti chung hian nikum khan ballistic missile hi a enchhin tho a ni. Mahse Iran chuan a missile enchhin chu nuclear ralthuam phur tura duan a ni lo tih sawiin, a nuclear programme kalpui pawh a muanawm zawnga chauha kalpui a nih thu a sawi thung.