Electric bill pe ṭha turin Gaza-a chengte ngen

Palestinian Authority (PA) chuan Gaza Strip-a chengte chu mumal taka electric supply an hmuh theih nan ṭha taka bill pe turin a ngen.

Israel chuan nikum June thla aṭang khan Gaza Strip-a electric supply hi a titawpa, hei vang hian electric eng an neih leh theih nan Gaza-a chengte hian thla tin shekel maktaduai 10 an pek a ngai a ni.

Kum 2006 aṭang khan West Bank-a roreltu, Palestinian Authority hian Gaza-a electric supply a nih theih nan Israel hnenah sum an pe ṭhin a ni. Kum 2017 June thla khan PA chuan Israel hnenah Gaza tana electric supply chu 40% a titlem turin an ngen a, hei hi President Mahmoud Abbas-an Gaza-a roreltu, Hamas sorkar a beihna kawng khat nia ngaih a ni.

PA-in Gaza Strip-a electric supply ti tlem tura a ngen hnu hian Gaza-a chengte hian ni khatah darkar li chhung chauh supply an hmu thei a ni.

Gaza Strip-a power plant awm chu kum 2007 aṭang khan Israel-in kawng a dansak avangin hman theih lohin a awm tawh bawk.