Malayisa PM hluiin inthlanah chuh a tum

Malaysia prime minister hlui Mahathir Mohamad chuan kumina an ram president thlanna neih tura chuh a tum thu a sawi a, eptu ṭangrual aiawhin inthlan hi a chuh dawn a ni.

Kum 92 mi, Mahathir hi Pathianni khan eptute chuan an pawl hotu tur hian an thlang a ni. Inthlanah hian mahni anpui kawpa puh vanga jail-a tang mek, eptu pawl hruaitu lar Anwar Ibrahim-a nupui, Wan Azizah chuan deputy prime minister a chuh ve bawk ang.

Eptute hian inthlana hnehna an chan chuan Anwar hi ngaihdam a, prime minister-a dah zui an tum niin ṭangrual pawl Secretary-General Saifuddin Abdullah chuan a sawi.

Malaysia inthlan hun hi August thla tura tih ni mah se, hemi aia hma hian buatsaih a nih rin a ni bawk.

Eptu pawl pali hruaitute chuan ṭangrual pawl candidate atana Mahathir ruat chu an thlawp thu an sawi. Mahathir pawhin lawmthu sawiin, an tum ber chu an ram chhanchhuah a ni tih sawiin, tunhma lama an party hmelma ni ṭhinte an candidate tura an pawm mai thei chu thil awlsam tak a ni lo tih a hriat thu a sawi a, mahse sorkar dinglai paihthlak chu an ram tana thil pawimawh leh mamawh a ni tih an hriat a ni, a ti.