Pakistan-in blacklist-ah Hafiz Saeed-a pawl telh

Pakistan interior ministry chuan dan pawna a hnawl pawl list a tichhuak thar a, kum 2008-a Mumbai beihnaa mawhphurtu bera puh, Hafiz Saeed-a pawl, Jamaat-ud-Dawa (JuD) pawh telh a ni.

US-in a ram chhunga firfiakte laka action la tura na taka nawr hnuah, Pakistan chuan blacklist hi tichhuakin, dan pawna hnawl pawl 72-te hming a puangzar ta a ni. He list tihchhuah hma lawk hian US chuan security lama Pakistan a puihna ṭhin, dollar tluklehdingawn khat dawn chu a titawp sak a, hei hi Pakistan-in firfiakte lakah action a lak tawk loh vang leh, an rama zalen taka an awmna hmunte a tihchhiatsak duh loh vang niin a sawi.