Israel leh SKorea-in Covid-19 vaccine inpe tawn dawn

Israel chuan tun thla chhungin South Korea hnenah Pfizer-BioNTech siam coronavirus vaccine dose 7,00,000 a pe dawn a, South Korea hian hetiang zat bawk hi September-October thlaah Israel hnenah a pe ve leh ang.

South Korea-ah hian vaccine pek chhuah hi chak taka kalpui a ni a, mahse supply lam a ṭhat loh avangin an duh ang dose a nei thei lo a ni. Hei vang hian Israel chuan vaccine a lo order tawh sa zinga dose nuai sarih hi SKorea a pe dawn a ni. Israel-ah hian puitling 55% chuan vaccine hi a dose kimin an la tawh. SKorea hian Pfizer vaccine a order mek chu an thawn theih hunah Israel hnenah hian a pe ve leh thung dawn a ni.