US-in Bhutan leh Sri Lanka-a zin lo turin chah

United States chuan Covid hri leng vangin Bhutan-a zin lo tur leh firfiak tamna Sri Lanka-ahte zin lo turin an ram mipuite a chah.

State Department-in travel advisory a tihchhuah tharah, Centres for Disease Control and Preven­tion (CDC) chuan Bhutan rama Covid-19 hri leng dinhmun chu eng level tak nge tih hriatchian a ni lo a, hei vang hian Bhutan rama zin rih lo turin mipuite thurawn a pe.

Ram pawn lama zinchhuah tumte tan CDC-in vaccine la tawh leh la lote tana rawtna a siamte chu ngaihven ṭha turin a chah. "FDA pawmpui vacine la tawh i nih chuan Covid-19 hri kai theihna a hniam a, lo kai pawhin natnaa harsatna lian tak awm theihna pawh a tlahniam a ni, " a ti.

Hemi rual Sri Lanka rama zin tumte pawh hri leng vang hian zin rih lo tura an duh thu sawiin, hri leng bakah firfiaka chetna thleng ṭhin avangin fimkhur zual a ngai tih state department chuan a tarlang.