Winter Olympics-a NKorea art troupe tirh tur chungchang sawidun dawn

South Korea leh North Korea chuan thla lehah South Korea-a Winter Olympics neih tura North Korea-in art troupe a tirh tur chungchang sawidun tura inbiak an remti.

Art troupe tirh tur chungchangah NKorea lam hian inbiak a rawt a, hei hi South lam chuan remtiin vawiin hian ramri bul khua, Panmunjom-a Tongilgak building-ah ram pahnih aiawhte hi an inhmu dawn a ni.

South Korea hian February-March thla chhunga Pyeongchang khuaa Winter Olympics a thlen tura NKorea palai, athlete leh cheering squad-te tirh dan tura inbiakna neih a rawt tawh a, mahse North lam hian art troupe chungchang hi ngaihtuah hmasak phawt a rawt a ni.