Vietnam-in dengue thlen thei lo thosi chhuah dawn

Vietnam chuan thosi chi khat, mihringte hnena dengue virus thlen thei lo tur a chhuah dawn.

Thosi tlangzarh tur hi bacteria chi khat, Aedes aegypti thosi-ten mihringa dengue virus an thlen ṭhin venna, Wolbachia-a thuam a ni dawn a ni. Vietnam-a National Institute of Hygience and Epidmiology leh Australia scientist-te chuan Wolbachia-a thuam, Aedes aegypti thosi hi an piantir a, kum 2013 leh 2014 khan enchhin turin Triy Nyugen thliarkar leh Khanh Hoa-ah an lo chhuah tawh a ni. Kum 2014 aṭang khan Tri Nguyen thliarkarah hian dengue hri hi a leng ngai tawh lo a, mahse Nha Trang leh Khanh Hoa-ah erawh chuan a la len chhunzawm tho a ni.