California-a ei tur semtu mi pakua thubuai siamsak

US-a California-a chenna in nei lote hnenah ei tur semtu mi pakuate chu dan bawhchhiaa puhin thubuai siamsak an ni.

California-a El Cajon khuaa hepatitis A a len avangin khawpui chhunga hian vantlang hmuna ei tur semchhuah khapna dan siam a ni a, hei hi duh loin heng pawlte hian ei tur hi an sem lui a ni. Pathianni khan chenna nei lote hnenah hian ei tur bakah thawmhnaw leh thildangte an sem a, mahse police-te rawn kalin thubuai siamsak an ni ta a ni.

Thuneitute chuan Hepatitis A hi ei tur leh thil dang thianghlim tawk lo khawih aṭanga a darh theih avangin thupek hi siam an nih thu an sawi. He hri leng hi chenna mumal nei loten an tuar nasa a, intihfaina an neih ṭhat tawk loh avangin a hri hi an kai awl bik a ni.

Thuneitute chuan hri darh zel tur venna atan hian ei leh in turte inṭawm lo turin an ti a, mahse sawiseltu lam chuan hei hi chenna nei lo leh ei tur mumal nei lote tana harsatna siamsakna niin an sawi thung.