Pakistan-in national airline privatize dawn

Pakistan sorkar chuan national airline Pakistan International Airlines (PIA) chu kumin April thla laihawl vel aṭangin privatize a tum.

Minister for Privatization Daniyal Aziz chuan airline privatize management leh flight operation privatize na tur hi sorkarin a tihfel thuai tur thu a sawi. Airlines property dang erawh chu sorkar kutah ala awm chhunzawm dawn a ni, a ti. Sorkar chuan PIA fixed asset ho enkawltu tur company dang din a tum thu a sawi bawk.

Minister chuan PIA chu kum tam tak sum a hloh tawh avangin sorkar tan phurrit a tling tawh niin a sawi a, kum 2017 March thla thlenga PIA avanga sorkarin sum a hloh chu US dollar tluklehdingawn 2 a tling tawh a ni, a ti. Hei vang hian an ram economy dinhmun atan pawh PIA privatize chu thil pawimawh tak niin a sawi a, mimal kuta dah/hlan a nih chuan a sum hloh hi a reh thei dawn niin a sawi. PIA privatize na tura sum an hmuh chu development sector atan hman a nih tur thu a sawi bawk.