Khawvela khaw vawt ber Oymyakon

Russia-a Yakutia biala Oymyakon khua, mi 500 vel chenna chu khawvela khaw vawt bera sawi ṭhin a ni.

Tunkar tir lam khan he khaw vawh lam hi minus 74 Fahrenheit a tling a, Pathianni khan minus 80 a ni tawh bawk. Kum 2013 khan Oymyakon khaw vawh lam hi minus 98 Fahrenheit a lo ni tawh a ni. Minus 40 degree velah chuan school-te kal chhunzawm ni mah se, a vawh zual em avangin tunkar tir lamah kha chuan khar an ni.

Thlasik laiin ni khatah darkar 21 chhung khua a thim ṭhin bawk. He khua aṭanga khawpui lian hnai ber chu mel 500 vel zeta hla a ni a, Moscow aṭangin thlawhtheihna hmangin darkar sarih zet hun hman a ngai bawk.