2019-ah Beijing airport thar enchhin dawn

Beijing-a international airport thar siam chu kum 2019 October thlaah test operation neih a nih dawn niin official-te'n an sawi.

Airport engineering project hi kum 2019 July thlaah an zo ang a, test operation hi thla thum hnuah neih a ni dawn tih, Beijing Municipal Office for Coordination and Promotion of the New Airport Construction chuan a tarlang.

Beijing khaw chhim lam km 46-a hlaa siam, airport thar hi khawpui hmarchhak lama Beijing Capital International Airport tawt lutuk tihziaawmna tura ruahman a ni. Airport thar hi Hebei Province-a Daxing district leh Langfang khua infinna laiah siam a ni. Airport terminal building hi square meter 313,000-a zau a ni.

Airport tharah hian runway pali awmin, kum khatah flight 620,000 dawng thei tur a ni. Kum khat chhungin khualzin maktaduai 100 leh bungrua ton maktaduai 4 a dawng thei bawk ang.