Bangladesh-a food factory-ah kangmei a chhuak

Bangladesh-a food factory-a kangmei chhuakah thawktu 43 an kanghlum.

Kangmei chhuahna hmun hi an ram khawpui Dhakha khawchhak lam, km 25 vela hlaa awm, industrial town Rupganj-a Hashem Food and Beverage factory a ni. Ningani tlai lam khan kangmei hi a chhuak ṭan a, nimin chawhnu lam thleng khan a la kang chhunzawm a ni.

Building aṭang hian mi 30 vel chu an tlanchhuak hman a, chhanchhuah hna thawktute chuan in kang aṭang hian ruang 40 vel an la chhuak tawh a ni. Building chhungah hian chhiatna a thlen lai hian hnathawktu eng zat chiah nge awm tih hriat chian a la ni lo.

Bangladesh ramah hian safety rules kenkawh ṭhat a nih loh avangin kangmei a chhuak fo a, kum 2019 February thla khan Dhaka-a apartment block hrang hranga kangmei nasa tak chhuak vangin mi 70 an lo thi tawh bawk.