UNSC team-in Pakistan tlawh dawn

United Nations Security Council (UNSC) team chuan karlehah ni hnih chamin Pakistan an tlawh dawn.

Pakistan hi a ram chhunga firfiakte, a bikin Mumbai khawpui beihnaa mawhphurtu bera puh Hafiz Saeed leh a pawlte chungah action la tura nawr mek a ni. Hemi chungchang avang hian UNSC team pawh hian a tlawh dawn nia sawi a ni. Mahse Pakistan official-te chuan UN team hi firfiakte chungchang vang ni loin, dan pangngai anga ram hrang hrang a tlawh kual ṭhin anga zin mai tur niin an sawi thung.

Pakistan Prime Minister Shahid Khaqan Abbasi chuan Hafiz Saeed lakah hian thubuai engmah siam a ni loh avangin action lak theih a nih loh thu a sawi. He thu a sawi tuk lawkah US sorkar chuan firfiaka a puan tawh, Saeed lakah hian thubuai siamsak turin Pakistan sorkar chu a nawr a ni.