Boris Johnson-a'n China vangin Dan thlak danglam a tum

China-in Hong Kong-a national security law thar a hman chuan UK-a pemte tana dan hman mek chu thlak danglam ve a ni dawn tih British prime minister Boris Johnson chuan a sawi.

Johnson chuan "Hong Kong hi kan ram aṭanga kum 1997-a China kuta a awm khan Hong Kong basic law-a 'one country, two systems' chu kan ram leh China remtihnaa Joint Declaration siam niin, hming pawh ziah hnan a ni," a ti.

National security law hi hman a nih chuan Hong Kong-a cheng mipui zalenna rahbehna tur a nih thu Johnson chuan a sawi a, Hong Kong-in mahnia inrel bawlna tura thuneihna a neih chu zawi muangin he dan thar hmang hian laksak a ni dawn a ni, tiin Johnson chuan a sawi bawk.

Kar liam ta khan US president Donald Trump chuan China hremna turin Hong Kong special status a pek chu a lo titawp tawh bawk a ni.